مين إحنا
إحنا فريق صغير من غزة. شفنا الكفيهات والمطاعم حوالينا بتمسك حسابها بدفتر ورا الكاونتر: الدين بصفحة، والمصاريف بصفحة، والتحويلات على جوال الكاشير. والأنظمة الجاهزة يا غالية، يا بدها أجهزة، يا ما بتعرف شو يعني تحويل على محفظة ولا دين على الحساب. فعملنا حُسبان: على قدّ كفيهات ومطاعم غزة، وعلى الجوال الي بإيدك.
ليش اسمه حُسبان
الاسم من قوله تعالى:
﴿الشَّمْسُ وَالْقَمَرُ بِحُسْبَانٍ﴾(الرحمن: 5)
يعني بحساب دقيق. وهيك بدنا حساب محلّك: كل شيكل بمكانه.
وليش «وصل»
عشان بحُسبان ولا شي بيصير رسمي من طرف واحد. الطلب بيتأكّد، والتحويل بينختم «وصل»، والخصم الكبير بده ختم المدير. وهي نفسها الكلمة الصغيرة الي فوق اسمنا.
وعدنا
- بياناتك إلك. بتنزّلها كاملة بأي وقت.
- ولا نسبة من مبيعاتك. اشتراك الشهر وبس.
- ما بنحذف شي بدون طلبك.
- الي بيرد عليك إنسان، على واتساب.
بدك تحكي مع إنسان؟
اسأل قبل ما تجرّب، أو وإنت بتجرّب.