سعر ثابت بالشهر. ولا نسبة من مبيعاتك.
جرّب 14 يوم ببلاش وبدون بطاقة. بعدها بتختار الباقة الي على قدّ محلّك.
الأساسية
لكفيه أو مطعم بفرع واحد
99 ₪بالشهر
- فرع واحد
- 5 أجهزة للموظفين
- 15 موظف غيرك
الموسّعة
لما يكبر الشغل: أجهزة وموظفين أكثر
199 ₪بالشهر
- أكثر من فرع قريباً
- 15 جهاز للموظفين
- 40 موظف غيرك
التجربة بتبدأ على الأساسية. باقتك بتختارها لما تدفع، من «الاشتراك»، وبتقدر تغيّرها بعدين.
متصفح الإدارة ما بينحسب من الأجهزة.
بالباقتين، كل هذا
- منيو الزبون والطلب بالـ QR، وكل طلب بتأكيد منكم
- الحسابات المفتوحة، خريطة الطاولات، والبيع السريع
- دفتر الدين: «عليه»، حد لكل زبون، كشف حساب، وتذكير على واتساب
- صندوق للكاش ولكل محفظة وللبنك، وإثبات التحويل بختم «وصل»
- الشفت: فتح وإغلاق وعدّ كل صندوق
- المصاريف، ومن أي صندوق انصرفت
- المخزون والمشتريات والجرد، وأرصدة الموردين
- تكلفة الصنف وربحه
- التقارير، وتنزيلها Excel
- صلاحيات لكل دور، وختم المدير على الخصم والإلغاء
- بيكمّل لما يقطع النت، وبيبعت لما يرجع
- تنزيل كل بياناتك بأي وقت
- دعم على واتساب
الفرق بين الباقتين
| الأساسية | الموسّعة | |
|---|---|---|
| السعر بالشهر | 99 ₪ | 199 ₪ |
| الفروع | 1 | أكثر من فرع: قريباً |
| أجهزة الموظفين | 5 | 15 |
| الموظفين | 15 | 40 |
| كل الميزات | موجودة | موجودة |
| نسبة من مبيعاتك | ولا شي | ولا شي |
| رسوم تأسيس أو أجهزة | ولا شي | ولا شي |
الدفع: تحويل وإيصال
- 1
جرّب 14 يوم. ما بنطلب منك ولا شي.
- 2
حوّل الاشتراك على محفظة أو حساب حُسبان.
- 3
ارفع صورة الإيصال من «الاشتراك» بلوحة الإدارة.
- 4
بنراجعه وبنختمه «وصل»، وبيتفعّل اشتراكك خلال 24 ساعة.
لو تأخرت بالدفع
ما بنسكّر عليك فجأة. بعد ما تخلص المدة عندك 7 أيام تنبيه والشغل ماشي. بعدها الحساب بيصير «قراءة فقط»: بتشوف كل شي وبتنزّل بياناتك، بس ما بتضيف جديد. بتحوّل وبترفع الإيصال، وبيرجع زي ما كان.
أسئلة عن الفلوس
في نسبة على المبيعات أو على الطلبات؟
ولا شيكل. بتدفع اشتراك الشهر وبس، مهما بعت.
لازم بطاقة بنك عشان أجرّب؟
لا. بتسجّل بجوالك وبتبدأ.
في عقد أو التزام؟
لا. بتدفع شهر، أو 3 أو 6 أشهر أو سنة لو بدك ترتاح من التحويل.
بقدر أغيّر الباقة؟
آه. الترقية بتمشي أول ما نختم إيصالك. والنزول لباقة أصغر بيبدأ مع أول مدة جديدة.
زاد عندي موظف أو جهاز عن الباقة؟
ما بنشيل ولا بنوقّف حدا. بس ما بتقدر تضيف جديد لحد ما ترقّي.
لو وقّفت، بياناتي بتروح؟
لا. بتنزّلها Excel كاملة حتى وحسابك موقوف، وما بنحذف شي بدون طلبك.
في رواتب وحضور للموظفين؟
لسا. شغّالين عليها، وبنخبرك لما تجهز.